Al temp quant la stagion cambiava
suc.deva na robba eceziunal:
v.niva na sartora e s’ f.rmava
na stumana o d’ più. Era sp.cial

p.rché da nô durmiva e po’ magnava
e tutt al giorn cugiva. Era g.nial…
Guastava e po’ tajava e cumedava…
Sempr cuntenta, sempr puntual…

Sa i fioj era graziosa, div.rtent…
intant ch cugiva discureva,
arcuntava l’ fol, l.ntament

sa na vucina dolcia, fina fina
e ma nialtri quant c’ piaceva!
ch.la sartora anziana ma b.lina…